landflótta Íslendingum hefnist fyrir :P

þó að fasteigna og fjármálamarkaðurinn hér á landi hafi frosið fastur þá höfum við samt sloppið að mestu við frosthörkur sem ná tveggja stafa tölu.. höfum séð -14°C á höfuðborgarsvæðinu og -28°C á Mývatni en það eru eðlilegar tölur sem við sjáum á hverju ári og þessi kuldi er sjaldnast meira en 1-2 daga í senn.

þeir forsjálu Íslendingar sem ætluðu að komast hjá því að greiða Icesave og borga tvöfallt allar skuldir flúðu til norðurlandanna, skuldirnar bíða eftir þeim hérna og hækka dag frá degi og bíða þess að þeir flýji frosthörkuna á norðurlöndum og komi aftur í hlýjuna á Íslandi og taki þátt í lífinu eins og við erum vön því... sól og sæla og allir fá að borða allavegna einusinni á dag og Bretar og Hollendingar kaupa sér flatskjái í boði Íslendinga á komandi árum :)

Spáð yfir 40 stiga frosti í Svíþjóð

Athugasemdir

[Björn Magnús Stefánsson, 4.1.2010 kl. 23:50]

Nei nú ertu alveg að rugla eða misskilja. Við stöndum alveg við okkar líka og tökum þátt í að borga, við ætlum ekki að láta ykkur sitja ein eftir í súpunni.

Í staðin fyrir að láta öll launin okkar fara upp í Icesave þá sendum við hluta af laununum okkar heim til ykkar. Svipað og Pólska verkafólkið gerði á góðæristímum Íslands.

Ég tek þessum kulda bara vel, er hérna í Svíþjóð og tek þessu ekki sem hefnd fyrir að fara frá Íslandi. Við erum bara ánægð að fá frosin vötn til að geta skautað og leikið okkur.

En engu að síður þá saknar maður hlýjunnar á Íslandi, það væri ekkert betra en að geta legið í heitri sprænu einhversstaðar uppá fjöllum undir stjörnunum. Þess sakna ég mikið :)