hvaða máli skipta verðtryggðir samningar ?

það er alltaf verið að draga verðtryggðu bílasamningana inní þessar umræður, þeir koma málinu ekkert við !
fólk annaðhvort valdi að fá lánað í Íslenskum krónum verðtryggt eða gengistryggt... það var víst ekkert um lán á erlendum gjaldeyri nema til fyrirtækja...

það að sumir hafi valið erlendu lánin og þurft að greiða af margföldum höfuðstól síðasta árið hefur ekki haft nein áhrif á verðtryggðu lánin, ekki var bætt 100% álagi á þau til að þeir sem voru með erlendu lánin bæru ekki skertan hlut frá borði eins og það er orðað í fréttinni.. af hverju ætti þá að miða breytingu á erlendu lánunum núna við verðtryggðu lánin ? er ekki bara eðlilegt að þeir sem hafa borgað 3-4x hærri afborganir síðasta árið af sínum lánum fái eitthvað til baka og standi þokkalega eftir ? það voru bankarnir sem frömdu lögbrot og viðskiptavinirnir hafa tekið út refsinguna í tæp 2 ár fyrir bankann, nú er komið að bankanum að bæta fyrir þann skaða, ekki bara að leiðrétta lánið heldur eiga þeir sem voru með erlend lán að standa mun betur fjárhagslega en þeir sem völdu verðtryggð lán, því ekki borguðu þeir hærri afborganir en samningurinn kvað á um síðustu 2 árin.

Skapi þjóðarsátt um lánin

Athugasemdir

[emmz, 21.6.2010 kl. 16:00]

Nákvæmlega, skil þessa umræðu ekki. Líka þeir sem láta hafa það eftir sér að við eigum að vorkenna þessum lánafyrirtækjum eftir þetta ævintýri. Fyrirtækin sem gengu hart fram og rukkuðu eins og þau gátu, tóku bíla (jafnvel ólöglega) af fólki. Núna vilja þau semja, er ekki allt í lagi hérna?

[corvus corax, 21.6.2010 kl. 16:06]

Tek undir með ykkur drengir góðir. Það eina í stöðunni er að leiðrétta gengistryggðu lögleysuna í framhaldi af dómi Hæstaréttar enda koma önnur verðtryggð lán þessu máli ekkert við. Þeir sem telja sig hafa verið hlunnfarna með verðtryggðu lánin verða einfaldlega að fara sömu leið og farin var með gengistryggðu lánin, þ.e. dómstólaleiðina sem er vonandi fær fyrir þá vegna sanngirnisákvæða í lögum um samninga. Það að einhverjir aðrir sitji í súpunni er engin afsökun fyrir íhlutun stjórnvalda til að vernda glæpafyrirtækin sem hafa mokað fjármunum almennings og fyrirtækja til sína með glæpsamlegri umgengni um verðtryggingar og gengistryggingar. Það var framinn glæpur gagnvart lántökum gengistryggðra lána, dómur hefur fallið og fullnustan felst einfaldlega í leiðréttingu ofgreiðslna og ofreiknaðrar tryggingar ...og hana nú!

[Magnús Sigurðsson, 21.6.2010 kl. 16:44]

Gísli er snillingur í að drepa málum á dreif, þegar samstaða var að myndast um að þrýsta á fjármálfyrirtækin með greiðsluverkfalli vorið 2009 sendi hann tilögur út og suður um "gerðardóm" sem ekki nokkur maður skildi.

Það er spurning talsmaður hverra Gísli er.

Auðvita er dómur hæstaréttar um gengistryggingu.  Það er svo annað mál að verðtryggingin er og hefur verið hluti af glæpastarfsemi og hana þarf að fara með fyrir dóm. 

[Sveinn Sigurður Kjartansson, 22.6.2010 kl. 07:40]

Ég er fullkomlega sammála. Það er með ólíkindum að fólk láti svona útúr sér. Hvar var þetta fólk fyrir 16. júní?